City Nature Challenge 2019

大家經常把"環保"掛在口邊, 究竟環保個意義係乜? 係咪將垃圾分類買少D用少D就等同環保? 而有咩咁值得去'保'? 我用了差不多八年去尋找答案, 從一個對自然一知半解的普通市民 到今天已超過11000筆生態紀錄的業餘自然愛好者, 好簡單咁話你知, 原來只要你細心觀察, 你便會發現我地的城中唔單只係人類居所,仲存在數以千萬計的其他生物, 只不過我地生活實在太過匆促,很少會細心留意佢地的存在,又或者見到都唔知係乜,事實上隨便街邊一棵樹,就可以係一個生態系統。佢地的存亡與人類活動息息相關,絕大部物種已經生活在危險線上但唔識同你求救,要保育第一件事就係要知佢地的存在... 
仲有兩日就係 城市自然生態挑戰賽 CNC 2019, 呢個係現時全球最龐大的物種普查(Bioblitz)活動, 參加的城市要係4/26-4/29三天內期間動員所有人力物力去紀錄物種。城市於城市間 鬥人多參與、鬥多觀察數據、鬥找到及辨認到最多物種,目的係以要多些人參與城市科學Citizen Science,重新認識自己的與大自然的關係。活動歡迎任何人參與。在2018年, 香港以773參與者之力(全球第七), 上載20562筆觀察紀錄(全球第八),在比賽時間內找到及認到2640種生物(全球第三, 後來追加辨認到2900多種), 是歐美國家以外參與度最高的城市, 以人均物種觀察量計(可惜大會唔咁計)我地更是名列前茅!
對個人而言,呢個活1動勝負唔重要, 重點係比各位重新發現你的鄰居生物的機會, 而你的鄰居肯定唔只有曱甴和老鼠!!! 最簡單的參與方法就係在下載適用你手機的iNaturalist Apps 或 到訪 www.inaturalist.org 網站, 並用Facebook或email開個account ,就可以將你在該三日拍到的自然(非被困或大量栽種的) 雀鳥、昆蟲、植物、菇菌或鳥獸蟲魚上載到iNaturalist資料庫,資料要求只有三項基本條件就係圖片、時間及座標, 如果大家係用手機拍, 在拍照前開啟GPS, 咁電話會係照片上包含時間和座標資料,不需人手再輸入,非常方便!! 就算你唔知道係乜,你只需按照上載系統建議選擇最基本的分類例如鳥類、昆蟲、植物等...系統有好多好多生態專家會在該三天真人在線上幫大家辨認。期待各位參與和支持!!!
https://www.facebook.com/events/2120153251628093/

Posted by sunnetchan sunnetchan, April 24, 2019 04:52

Comments

No comments yet.

Add a Comment

Sign In or Sign Up to add comments

Is this inappropriate, spam, or offensive? Add a Flag